Plantun de Prouvènço

Pèr coumpara dos planto d'encò nostre

Leucanthemum coronopifolium subsp. coronopifolium & Lithospermum officinale

Margarido(-di-fueio-en-bano-de-cèrvi)

Leucanthemum coronopifolium subsp. coronopifolium

Asteraceae Compositae

Nom en français : Marguerite à feuilles de coronope.

Descripcioun :
Aquesto margarido que trachis en mato dins li roucaio e lis esboudèu d'auto mountagno es endemico dis Aup e de L'Apennin. Se recounèis à si fueio "en bano de cèrvi" emé de diferènci entre aquéli de la baso e li de la cambo (vèire li fotò à man drecho). Li bratèio soun proun negro. Es uno planto coumuno dins soun relarg, adounc pas aparado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leucanthemum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 2 à 3 cm
Flourido : Printèms - Estiéu

Sòu : Si (Ca)
Autour basso e auto : 1600 à 2800 m
Aparado : Noun
Remarco : Endemico Aup e Apennin
Jun à avoust

Liò : Pelouso roucaiouso - Esboudèu
Estànci : Subaupen à Aupen
Couroulougi : Ouroufito-Sud-Éuroupenco
Ref. sc. : Leucanthemum coronopifolium subsp. coronopifolium Gren. & Godr., 1950 (= Leucanthemum atratum subsp. coronopifolium (Vill.) Horvatic, 1935 )

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).